༄༅།།ཁེ་ན་ཌར་གནས་སྡོད་སངས་རྒྱས་སྐྱབས་ལགས་ནི་བོད་དུ་སྐྱེས་པའི་གཞོན་སྐྱེས་ཞིག་རེད། ཁོང་གིས་འདས་པའི་ལོ་གཉིས་དང་ཕྱེད་ཀའི་རིང་ནམ་དུས་དང་གནམ་གཤིས་ཚ་གྲང་གང་ལ་མ་ལྟོས་པར་ཁེ་ན་ཌའི་གྲོང་ཁྱེར་ཊོ་རོན་ཊོའི་རྒྱ་ནག་གཞུང་ཚབ་ཁང་གི་མདུན་དུ་ཞི་བའི་ལས་འགུལ་སྤེལ་ཡོད། འདི་ལོར་༧གོང་ས་སྐྱབས་མགོན་ཆེན་པོ་མཆོག་དགུང་གྲངས་ ༨༥ བཞེས་པའི་དུས་འདིར་བཀའ་དྲིན་རྗེས་དྲན་གྱི་ཆེད་དུ་སངས་རྒྱས་སྐྱབས་ལགས་ཀྱིས་སྤྱི་ལེ་༩༠༠་ཙམ་གྱི་ཞི་བའི་གོམ་བགྲོད་ལས་འགུལ་སྤེལ་ཡོད་པའི་སྐོར་ཀུན་གླེང་ལས་རིམ་ནང་གཟིགས་རོགས་གནང་།